Bajraktari: Me këtë proces s’do të kishte arsye për të mos dekretuar Isufajn për kryeprokuror

Bugaqku: Në KPK dikur anëtarëve nga shoqëria civile nuk u jepeshin as paga e as zyre

Vullnet Bugaqku nga Instituti Demokratik i Kosovës, ka thënë se kryeprokurori i shtetit funksionin e tij e ka kryekëput menaxherial, duke shtuar se nuk ka funksion operativ në ndjekjen e rasteve në ngritjen e aktakuzave apo në zhvillimin e hetimeve.

Ai ka thënë se kultura e ndëshkimit ka ekzistuar në përbërjen e kaluar të KPK-së.

Sipas tij, përbërja aktuale është krejtësisht pluraliste.

“A e dini se çfarë qasje, e çfarë sjellje kanë pasur ndaj anëtarëve joprokuror që kanë ardhur nga ana e shoqërisë civile aty. Me muaj të tërë nuk u kanë dhënë as paga e as zyre. Përbërja e re nuk i ndjek ato zakone të së vjetrës. Fryma e punës në KPK sot është shumë më pluraliste. Sot të gjithë ata që janë mund të pajtohen dhe të mos pajtohen”, ka thënë ai.

Kabashi: Të shmanget çdo perceptim se kryeprokurori zgjidhet me kërkesë të politikës

Flamur Kabashi nga Instituti i Kosovës për Drejtësi ka thënë se politikanët duhet të kuptojnë se deklaratat për raste specifike, situata në zhvillim brenda gjyqësorit, kuptohen si ndërhyrje.

Sipas tij, këto deklarata duhen ndaluar në mënyrë që të mos krijohet perceptimi në publik se x kryeprokurori u zgjodh me kërkesë të kryeministrit apo presidentit.

‘Ne kemi bërë thirrje që kur t’hyni në procesin e përzgjedhjes së kryeprokurorit të shtetit, adresoni çështjet që i keni ngrit në procesin e kaluar. Kjo në mënyrë që të mos krijohet hapësira dhe mundësia për justifikim për mosdekretim të kandidatit. Çështjeje politike bien në barrë të vet institucionit. Nëse një u.d. i presidentit e merr përsipër  me lënë shtetin sërish pa kryeprokuror, është barrë e tyre”, ka thënë ai.