Rrjeti i OJQ-ve “AVONET” ka matur performancën e Ministrive të Qeverisë së Kosovës dhe ka monitoruar edhe punën e tyre, ndërsa tri nga të gjitha ministritë dalin me performancën me të mirë për këta muaj të qeverisjes.
Sipas AVONET, Ministria e Tregtisë dhe Industrisë ka marrë disa vendime të rëndësishme gjatë kësaj periudhe.
“Njëri ndër këto ka qenë edhe vendimi për mbrojtjen e prodhimeve vendore, marrjen e masave mbrojtëse nga importuesit si dhe masat mbrojtëse të konsumatorëve duke aktivizuar qendrën e thirrjeve për konsumatorë 24 orë (që deri më tani nuk ishte), ndërsa po bën edhe shqyrtimin e shpejtë të ankesave të qytetarëve brenda 24 orëve”, thuhet në njoftim.
Vendim mjaft i rëndësishëm i kësaj ministrie, sipas AVONET, është edhe tek rasti i lodrave të fëmijëve ku ishte konstatuar si shumë i rrezikshme për shëndetin e fëmijëve, me ç’rast është bërë edhe ndalimi i importimit të këtyre lodrave.
“Kjo ministri ka bërë fuqizimin e prodhimeve vendore, duke krijuar kushte të favorshme, shqyrtimi i lëndëve të mbetura që ishin një numër i madh i tyre, nëpër departamentet e MTI-së si p.sh ai në akreditim, të cilët bizneset janë ballafaquar me problem të theksuara si dhe krijimi i politikave të favorshëm për lehtësimin e shërbimeve për qytetarë dhe biznese”, thotë AVONET.
AVONET si Ministri me performancë të mirë e ka renditur edhe atë të Shëndetësisë e që sipas tyre kjo ministri e cila ishte e ballafaquar me një numër të madh të problemeve dhe pakënaqësi tek qytetarët, si mungesa e aparaturës, shërbime jo të mira shëndetësore, mos marrja e masave ndëshkuese ndaj stafit shëndetësor, ishin prej problemeve në këtë ministri.
Edhe
“MFSK, MSH dhe MTI, ministritë me performancën më të mirë”
“Në Ministrinë e Shëndetësisë, janë pajisur disa klinika me aparatura të reja siç është ajo Gjinekologjisë, klinika e Kirurgjisë Torakale, Kirurgjia Vaskulare si dhe është bërë edhe përmirësimi i shërbimeve shëndetësore dhe rritje e disiplinës brenda stafit shëndetësor”, thotë AVONET.
Ministria e Forcës së Sigurisë të Kosovës, është njëra prej ministrive që është në procesin e transformimit të saj, dhe e cila, sipas AVONET, është e përkushtuar në ngritjen e kapaciteteve dhe arritjen e përmbushjeve të kritereve për transformimin e FSK.
“Kjo ministri ka arrit që të përmbush kriteret dhe të zhvillojë politika të favorshme, po ashtu si një prej institucioneve më të besuara tek qytetarët”, thuhet në komunikatë.
