Agjencia e Ushqimit dhe Veterinarisë (AUV) ka njoftuar se kafja e bluar me origjinë në Kosovë dhe që eksportohet në Kroaci është e sigurt për përdorim, pas dyshimeve se kishte nivel të lartë të substancës kimike të akrilamidës.
AUV ka njoftuar se sipas standardeve të sigurisë ushqimore, rezultatet e analizave në kafe kanë konfirmuar se nivelet e akrilamidës në të gjitha produktet e testuara janë nën kufirin maksimal të lejuar.
“Në përputhje me Planin Vjetor të Inspektimit dhe parimin e vlerësimit të riskut, AUV ka ndërmarrë të gjitha veprimet e nevojshme ligjore, përfshirë kontrolle dhe analiza laboratorike për të gjitha brendet e kafesë që përpunohen për konsum brenda vendit dhe për eksport nga Republika e Kosovës në vendet tjera. Bazuar në këto rezultate, operatorët e bizneseve ushqimore mund të vazhdojnë tregtimin e kafesë”, thuhet në njoftim.
-
AUV: Jemi njoftuar për prani të nivelit të lartë të Acrylamide në kafen e bluar “Caffe Monaco”
-
Ndalohet importimi i qumështit “Aptamil”
-
AUV: Rezultatet laboratorike do të përcaktojnë shkakun e rasteve të raportuara
-
Piperi i kuq me origjinë nga Kosova rezulton me prezencë të pesticidit “Carbofuran”
-
Tërhiqen nga tregu sërish produktet e Aptamilit