Kryetari i Komunës së Obiliqit, Xhafer Gashi, ka njoftuar se nesër nuk do hapen çerdhet në këtë komunë.
Ai përmes një njoftimi në Facebook ka thënë se çerdhja “Rrita Jonë”, duhet të dezinfektohet dhe t’i nënshtrohet procesit të parapërgatitjes.
“Si rrjedhojë e dilemave të shumta, lidhur me rihapjen e institucioneve parashkollore për grup-moshat 0-5 vjeç, pas konsultimit me drejtorin e DKA-së dhe drejtoreshën e IP “Rrita e Jonë“ , vlerësuam se objekti i çerdhes duhet të i nënshtrohet parapërgatitjes dhe procesit të dezinfektimit, pasi që për një kohë të gjatë ka qëndruar i mbyllur”, ka njoftuar ai.
Ai tutje ka shtuar se për hapjen e tyre, qytetarët do të njoftohen me kohë.
Ndërkaq kryetari i Prishtinës, Shpend Ahmeti dhe ai i Shtimes, Naim Ismajli, iu kanë bërë thirrje prindërve të mos i dërgojnë fëmijët në çerdhe deri në sqarimin e plotë të rregullave nga niveli qendror.
