Inicuesit serbë për të ashtuquajturin Apel për mbrojtjen e Kosovës, kanë thënë sot se “ndjekja e mitropolitit Amfilohije, është dëshmi se de fakto po përgatitet njohja e pavarësisë së Kosovës.
Duke theksuar se për tri ditë këtë apel e kanë nënshkruar 4.600 qytetarë, ndër të cilët edhe 11 kishtarë të lartë të Kishës Ortodokse Serbe dhe tetë akademikë, njëri nga iniciuesit e tij dhe kryetar i Këshillit Politik të Partisë Demokratike të Serbisë (Demokratska stranka Srbije - DSS), Milosh Koviq ka vlerësuar se me sulmet ndaj mitropolitit Amfilohije, pushteti po e dëshiron largimin e vëmendjes nga përmbajtja e apelit dhe regjistri i nënshkruesve të tij.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Krijohet përshtypja se është pritur shkaku që të sulmohet Kisha Ortodokse Serbe si njëri nga pengesat e fundit në mbrojtje të Kosovës. Kjo ndjekje tregon se po përgatitet pranimi i karriges për Kosovën në OKB", citon kossev të ketë thënë Koviq.
"Apeli është kërkesë për ta ruajtur paqen e ruajtja bëhet me mbrojtje kufijsh. Apeli është edhe ftesë për jetën e përbashkët ndërmjet serbëve e shqiptarëve, ka thënë Koviq duke shtuar se idetë për ndarjen eventuale të Kosovës do të shkaktonin jo stabilitet në gjithë rajonin.