Ambasada amerikane në Prishtinë u ka dhënë informata shtetasve të saj lidhur me koronavirusin, duke konfirmuar se nuk është asnjë rast pozitiv.
Në njoftimin zyrtar të ambasadës, publikuar në Twitter dhe Facebook, gjithashtu në uebfaqen e saj, theksohet se deri më tash nuk ka asnjë rast të konfirmuar me koronavirus brenda territorit të Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kosova nuk ka konfirmuar asnjë rast me COVID-19 brenda territorit të saj. Organizata Botërore e Shëndetësisë ka dhënë donacion 750 pajisje testuese të koronavirusit në Kosovë. Rasti i parë i dyshuar në Kosovë është testuar dhe ka dalë negativ. Rezultatet negative janë përcaktuar në bazë të pajisjeve testuese ‘rRT-PCR’ të Organizatës Botërore të Shëndetësisë”, thuhet në njoftim.
Tutje në njoftimin zyrtar të ambasadës thuhet se Kosova nuk është duke aplikuar ndalesa të hyrje-daljeve.