Kryetari i Lidhjes Demokratike të Kosovës (LDK), Lumir Abdixhiku, ka akuzuar Qeverinë se nuk po bën asgjë, për siç ka thënë ai, humbjen e vlerës së kursimeve pensionale në Fondin e Kursimeve Pensionale.
Ai ka kritikuar Qeverinë që nuk po e cakton bordin e këtij Fondi.
“Përderisa kursimet pensionale, të fituara me shumë mund, humbasin vlerë nga gjysmë milion euro në ditë, popullsitët vazhdojnë rehatinë. Plot 36 milion euro është zhvlerësimi i fondeve nga janari deri më sot. Qeveria nuk gjen as brengën e as kohën të caktojë një Bord”, ka shkruar Abdixhiku.
Kritika për rënien e vlerës së mjeteve të investuara nga Trusti kanë shfaqur edhe deputetë të tjerë të opozitës.
Ndërkaq në një sqarim për gjendjen e investimeve, Fondi të martën e kësaj jave ka bërë të ditur se në portofolin ku përfshihen të gjithë kontribuuesit deri në moshën 63-vjeçare, ka një rënie prej 36 milionë eurosh në periudhën 1 janar – 20 mars. Ndërsa për portofolin konserativ (ku përfshihen të gjithë kontribuuesit e moshës 63-vjeçare e më shumë), ka kthim pozitiv prej 800 mijë eurosh.
Edhe
Trusti me rekord historik, 312 milionë euro fitim nga investimet në gjashtë muaj
“Bazuar në përvojën e institucionit dhe përbërjes së portofolit aktual investues, nuk mund të themi që mjetet e FKPK-së si tërësi janë të rrezikuara, por gjithsesi institucioni është në gjendje të vështirë pa organin kryesor vendimmarrës sipas legjislacionit në fuqi”, thuhet në sqarim.
-
Abdixhiku premton paketë investuese 5-miliardëshe: Shteti nuk mbahet me ndihma sociale
-
Abdixhiku premton 1.5 miliardë euro investime për Prishtinën
-
OEK propozon investimin e parave të Trustit në projekte zhvillimore në Kosovë, me anë të një ligji të ri
-
Për 4 muaj, 103 milionë euro humbje në mjetet e Trustit Pensional