Mbrojtja e aktivistëve të Vetëvendosjes, të akuzuar për terrorizëm, ka kërkuar nga Gjykata që t’ua heqë atyre masën e arrestit shtëpiak, në mënyrë që të marrin pjesë në fushatën zgjedhore, raporton KTV .
Avokati i Frashër Krasniqit, Tomë Gashi ka treguar se bazuar në Kodin e Procedurës Penale, kërkesa vlen për të gjithë të akuzuarit në këtë rast. Ai ka shtuar se pret që së shpejti gjyqtari të marrë vendim për këtë.
Gjyqtari i njëjtë, Beqir Kalludra, ditë më parë, e pezulloi ekzekutimin e një urdhër-arresti për Albin Kurtin, kandidat i VV-së për kryeministër. Frashër Krasniqi, Adea Batusha, Egzon Haliti dhe Atdhe Arifi janë kandidatë për deputetë të Kuvendit të Kosovës, derisa akuzohen nga Prokuroria për sulm ndaj këtij objekti.
Artikuj të ngjashëm