“Kompromisi” serb: “Kosova – bashkësi e dy popujve të barabartë”

“Kompromisi” serb: “Kosova – bashkësi e dy popujve të barabartë”

09 mars 2018 08:30

“Kosova – bashkësi e dy popujve të barabartë në status të dakorduar politik dhe kushtetues-juridik”. Kjo është “zgjidhja” të cilën Serbia do të mundë ta ofrojë si “kompromis”, bazuar në një dokument të hartuar me kërkesë të autoriteteve beogradase, shkruan sot Koha Ditore.

Dokumenti i titulluar “Platforma për zgjidhjen e çështjes së Kosovës: serbët dhe shqiptarët nga ndarja e shumicës deri tek bashkimi i mundshëm” (“Platforma za resavanje Kosovskog pitanja: Srbi i Albanci od vecinske razdvojenosti do moguceg novog spajanja”) është hartuar nga Nenad A. Vasiq, një hulumtues i Institutit për Politikë dhe Ekonomi Ndërkombëtare (Institut Studimor i krijuar nga Qeveria e Serbisë). Kjo “Platformë”, një kopje të së cilës e ka siguruar “Koha Ditore”, burimet thonë se tashmë është dorëzuar si propozim te presidenti i Serbisë, Aleksandar Vuçiq.

Në dokument (i cili pretendon të jetë pozicioni i paralajmëruar i ri i Serbisë ndaj çështjes së Kosovës në përmbylljen e procesit të dialogut të Brukselit) janë numëruar edhe hapat që duhen ndërmarrë në arritjen e kësaj “zgjidhjeje”, e cila, sipas autorit të propozimit, është një “zgjidhje WIN-WIN”, që nënkupton se me të “në shumicë kënaqen edhe serbët, edhe shqiptarët”. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Vakti19/03/2018 10:28

“Kompromisi” serb: “Kosova – bashkësi e dy popujve të barabartë” ... Ashtë koha e fundit që Apsurdi-t mesjetar serb t`i kundërvihet Evropa e civilizueme dhe Bota Demokratike. Shifeni këtë çmenduri të Sllavizmit serbo-maqedonaso-Rus! Deri sa në Maqedoni shqiptarëve ju ashtë mohue e drejta e gjuhës së tyre të cilët përbajnë mbi 30 % të qytetarëve të këtij shteti, Serbia kërkon që 4 % të serbëve në Kosovë të jenë shtetëformues të këtij Shteti. Çka tregon kjo? Kjo tregon Racizmin serbo-maqedano-rus në raport me shqiptarët. Prandaj nëse këtë të keqe që i kanoset Ballkanit nga serbo maqedonasit nuk e ka parasysh Europa s`mbetet gjë tjeter përveqëse shqiptarët të thonë boll më. Edhe pse jam i vetëdijshëm se të gjitha padrejtësitë që ju-v kanë ba dhe vazhdojnë me ju ba shqiptarëve kanë ndodhur dhe vazhdojnë të ndodhin edhe me fajin e këtyreve të fundit.

Gazmendi09/03/2018 10:12

Nese pranohet ky propozim Kosova nuk do te mund te zhvillohet. Shembull e kemi Bosnen. Kush e pranon kete propozim eshte tradhtar i kombit.

Bekim09/03/2018 10:14

Kjo ide eshte nje studim briliant i psikologjise se Kosoves gjegjesisht politikaneve te sotshem . Kosova nga pas lufta vazhdimisht ka shkuar nga WIN ne LOS kurse tash me pranu WIN WIN prap do te jet ne humbje??

Shto koment

Të ngjashme