-
Nga:
Alberta Hashani
- 23 shkurt 2019 21:26
- Shpërndaje në:
Tre muaj që nga vënia e masës mbrojtëse, krerë të ndryshëm institucionalë kanë reaguar për kontrabandimin e mallrave serbe e boshnjake në vend.
Por, këtë po e mohon kategorikisht drejtori i Doganës së Kosovës, Bahri Berisha, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBerisha vazhdon të thotë se sasia e mallit të zënë në tentim për shmangie të procedurave doganore, ka një rritje të lehtë.
Ani se 70 raste janë zënë vetëm në muajin janar, shifra thotë se është e përafërt me periudhën e njëjtë të vitit të kaluar.
Megjithëkëtë, ekipet e anti-kontrabandës, të cilat vizitat i kishin të reduktuara në katër komunat veriore, që nga vënia e masës, janë shpeshtuar.
Njohësi i zhvillimit ekonomik, Berim Ramosaj, tregon se kontrabanda dëmton buxhetin e shtetit, pasi produktet hyjnë në treg pa tarifë doganore dhe tatim mbi vlerën e shtuar.
Ministria e Tregtisë, gjatë së enjtes, ka lëshuar urdhëresë, duke detyruar Inspektoratin e Tregut që t’i inspektojë operatorët ekonomikë me qëllim të verifikimit të dokumentacionit të importit dhe tregtimit të produkteve me origjinë nga Serbia dhe Bosnjë e Hercegovina.
Luftim të grupeve kriminale të kontrabandës kërkoi edhe kryeministri i vendit, Ramush Haradinaj, gjatë së premtes.