Saktësisht 58 mijë e 27 vetura me targa të Serbisë kanë mbuluar simbolet shtetërore me stikerë, bazuar në marrëveshjen e arritur në Bruksel në fund të shtatorit, ka njoftuar Qeveria e Kosovës.
Sipas njoftimit nga Ministria e Punëve të Brendshme, mbulimi i simboleve shtetërore me stikerë po vazhdon të bëhet në pikat kufitare dhe qendrat e regjistrimit të automjeteve.
Marrëveshja për mbulim të simboleve shtetërore në targat e veturave nga Serbia u arrit pas tensioneve më shumë se 10 ditë në fund të shtatorit në veri të Kosovës. Më 20 shtator, Kosova vendosi të zbatojë masën e reciprocitetit duke mbuluar targat e shtetit të Serbisë, siç bënte Serbia me ato të Kosovës. Vendimi u përcoll me protesta të serbëve që bllokuan për po aq ditë rrugët që çonin në pikat kufitare në Jarinjë dhe Bërnjak.
-
Hiqen letrat ngjitëse nga targat e Serbisë
-
Kosova ka administruar deri më tani me mbi 17,000 stikersa për targat
-
Për dy ditë u lëshuan 6.365 stikersa për automjetet me targa serbe
-
Qeveria paralajmëron se së shpejti do të vendosë për targat e Serbisë
-
Kurti: Do t’i njohim targat e Serbisë, kur të sigurohemi se ajo po e zbaton vendimin për targat RKS