Lideri i Lëvizjes Vetëvendosje, Albin Kurti, ka kujtuar se sot bëhen 4 vjet nga marrëveshja e 10 shtatorit të vitit 2014, Marrëveshjen e VLAN-it.
Marrëveshja ishte nënshkruar mbi parimet ndërmjet koalicionit LDK-AAK-NISMA dhe Vetëvendosje.
“Sot, më 10 shtator, u bënë katër vjet nga Marrëveshja e VLAN-it. Siç dihet e shihet, të tjerët e shkelën atë”, ka shkruar Kurti në Facebook, duke i bashkëngjitur edhe marrëveshjen e nënshkruar mes tij, Isa Mustafës, Ramush Haradinajt e Fatmir Limajt.
Kujtojmë se për rreth gjashtë muaj rresht LDK-ja, Vetëvendosja, AAK-ja e Nisma, ishin zotuar se do ta dërgojnë PDK-në në opozitë, raporton Koha.net.
Partia e Thaçit, atë kohë, ishte dalë e para në zgjedhje dhe sipas gjykimit të Kushtetueses, asaj i takonte mandatari i Qeverisë.
LDK-ja e Isa Mustafës, bëri marrëveshje me PDK-në për të marrë kështu postin e kryeministrit dhe për ta bërë Hashim Thaçin president të vendit, kur Atifete Jahjagës do t’i kalonte afati.
-
VV-ja me fitore rekorde, por Kurti s’përjashton mundësinë e zgjedhjeve të reja
-
Krasniqi: S’do të lejojmë të shkelet ligji
-
Kurti: Vuçiqi po shkel marrëveshjen e tij të dashur të 2013-s
-
Akuza e urime pasi VV-ja e LDK-ja zyrtarizuan marrëveshjen
-
Kurti për LDK-në: Disa duan ta shtyjnë marrëveshjen deri në fund, disa s’duan fare