Berisha thirrje për serbët në veri që të mos bien pre e politikës luftënxitëse të Vuçiqit
Kryetari i Komisionit për Çështje të Sigurisë dhe Mbrojtjes, Bekë Berisha, e ka cilësuar gjendjen në veri si shqetësuese dhe të rrezikshme për vendin.
Pas takimit të Komisionit ku u diskutua situata e Sigurisë pas ngjarjeve në veri të vendit, Berisha tha se është dashur që të mbahet seancë e jashtëzakonshme e Kuvendit të Kosovës.
“Situata në veri është shqetësuese, e papranueshme dhe e rrezikon stabilitetin dhe sigurinë në vend. Sot do të duhej që Kuvendi të ftonte seancë të jashtëzakonshme”, tha Berisha.
“Ju bëjmë thirrje qytetarëve të komunitetit serb që mos të bien pre e politikës luftënxitëse të Vuçiqit. Grupet kriminale në veri duhet të ndalen dhuna dhe sulmet ndaj Policisë së Kosovës”, u shpreh Berisha. /EO
