Escobar: Normalizimi i marrëdhënieve Kosovë – Serbi kyç për stabilitetin rajonal dhe evropian

Emisari i SHBA-së për Ballkanin Perëndimor, Gabriel Escobar, ka thënë se normalizimi i marrëdhënieve Kosovë – Serbi, është kyç për stabilitetin rajonal dhe evropian.

Escobar në një intervistë për argjencinë e lajmeve të Malit të Zi, MINA, ka thënë se nënshkrimi eventual i planit franko-gjerman dhe normalizimi i marrëdhënieve mes dy vendeve do të hapte dyert për integrimin politik dhe ekonomik të Kosovës dhe Serbisë në Evropë dhe do t’i kontribuonte paqes e stabilitetit.