Ambasadori i SHBA-së në Kosovë, Jeff Hovenier, ka përgëzuar ekipin kërkim-shpëtues të FSK-së për ndihmën që i ka ofruar Turqisë.
30 pjesëtarë të FSK-së, specialistë të kërkim-shpëtimit, e staf mjekësorë, u nisën të hënën për në Turqi. Ata janë pritur me duartrokitje në aeroport.
“Pas tërmeteve shkatërruese në Turqi e Siri, ne vlerësojmë ekipet e kërkim-shpëtimit dhe mjekësore të FSK-së që u janë bashkuar partnerëve për të asistuar në operacionet në rajon. SHBA-ja ka përkrahur FSK-në në ndërtimin e kapaciteteve të saja të sigurisë, mjekësore dhe të ndihmës humanitare”, ka shkruar Hovenier në Twitter.
Tërmetet shkatërruese të së hënës kanë lënë të vdekur mbi 5200 persona në Turqi e Siri.
Following the devastating earthquakes in Türkiye & Syria, we appreciate @KSF_Kosova search & rescue and medical teams joining partners to assist operations in the region. The U.S. has supported KSF in building its security, medical and humanitarian assistance capacity. https://t.co/yI4QNZm2ct
— Ambassador Jeff Hovenier (@USAmbKosovo) February 7, 2023
https://www.koha.net/arberi/364622/30-ushtare-te-fsk-se-nisen-ne-mision-humanitar-ne-turqi/
