Të martën në Kosovë pritet të mbajë mot i vranët dhe me intervale të shkurta me diell. Nuk përjashtohen rigat dhe fjollat e borës.
Sipas Institutit Hidrometeorologjik të Kosovës (IHK), temperaturat minimale do të lëvizin ndërmjet -4 deri -1 gradë celsius, ndërsa maksimalet e ditës parashihen të sillen ndërmjet 2 dhe 5 gradë celsius.
“Gjatë kësaj jave nuk parashihen reshje të intensitetit të lartë por vetëm riga dhe fjolla të dobëta bore”, thuhet në njoftimin e IHK-së.
