Arbëri

Vërshimet, IKSHPK-ja rekomandon që uji të vlohet para përdorimit

Foto ilustrim: KOHA
 

Instituti Kombëtar i Shëndetësisë Publike të Kosovës ka njoftuar se si pasojë e vërshimeve që kanë prekur të enjten vendin, janë vërejtur ngritje të vlerës së turbullirës në shumicën e resurseve ujore.

Në njoftimin e IKSHPK-së, thuhet se turbullira të shtuara janë regjistruar në disa burime dhe si pasojë ka vështirësi në trajtim të ujit në zonat si KRU “Prishtina”, te fabrika në Shkabaj dhe fabrika në Drenas. KRU “Mitrovica”, te fabrika e Shipolit në Mitrovicë dhe te fabrika në Balice të Vushtrrisë. Te KRU “Hidrodrini”, te burimi Drini i Bardhë – Radavc dhe te burimi Shkozë në Junik. Te KRU “Gjakova”, në rajonin e Gjakovës, përkatësisht te burimi në Demjan dhe Gërqinë, si dhe te KRU "Bifurkacioni" në rajonin e Ferizajt, te fabrika në Pleshinë dhe sistemi në Kaçanik.