Ministri i Mbrojtjes i Shqipërisë, Niko Peleshi, deklaroi se nga tërmeti në Shqipëri janë regjistruar disa dëme të lehta.
Ai shkroi në Facebook të dielën mbrëma se dëmët u shënuan në Njësinë Administrative Xibër, në bashkësinë Klos.
Sipas Peleshit, strukturat e Mbrojtjes Civile janë në gatishmëri dhe në kontakt me bashkitë e Shqipërisë.
“Sipas të dhënave paraprake nga Qendra Kombëtare Operacionale e Emergjencave Civile dhe IGJEUM, lëkundje tërmeti me magnitudë 4.7 Richter, me epiqendër 3 km në jug të Klosit janë ndier në të gjithë territorin e Shqipërisë. Sipas të dhënave të deritanishme raportohen disa dëme të lehta në Njësinë Administrative Xibër, Bashkia Klos. Të gjitha strukturat e Mbrojtjes Civile janë në gatishmëri dhe në kontakt të vazhdueshëm më të gjitha Bashkitë e vendit”, shkroi ministri i Mbrojtjes.
Një tërmet 4.8 ballësh ka lëkundur Shqipërinë mbrëmjen e së dielës.
“Një valë tërmetesh janë ndjerë në Tiranë. Shërbimet tona të emergjencës kanë kaluar në gatishmëri të plotë. Për çdo problematikë në banesa apo rrugë malore, ju lutem na sinjalizoni menjëherë në nr.112 ose zjarrfikësit nr.128”, ka shkruar në Facebook kryetari i Tiranës, Erion Veliaj.
