Ambasadori gjerman falënderon Kosovën për strehimin e pesë gazetarëve afganë
Foto: KOHA
Ambasadori i Gjermanisë në Prishtinë, Jorn Rohde, ka falënderuar Kosovën për strehimin e pesë gazetarëve afganë.
Rohde ka shkruar në llogarinë e tij në Twitter se kjo vepër është përkrahur edhe nga Gjermania.
“E falënderojmë Ministrinë e Punëve të Jashtme të Kosovës për ofrim të strehimit në Kosovë për pesë gazetarë nga Afganistani me përkrahje të Gjermanisë në bashkëpunim me organizatat partnere AGK dhe ECPMF”, ka shkruar Rohde.
Ai tutje potencoi se ky veprim paraqet kontribut për sigurinë e gazetarëve dhe lirinë e shtypit.
“Mbështetje kuptimplote për mbrojtjen e lirisë së shtypit, kontribut i prekshëm për sigurinë e gazetarëve dhe përkushtim i qartë ndaj vlerave tona të përbashkëta. Mirënjohës për këtë bashkëpunim të rëndësishëm në kohë sfiduese”, shtoi ai.
We thank @MFAKOSOVO for offering shelter in 🇽🇰 to five journalists from Afghanistan with the support of 🇩🇪 in cooperation with partner organizations @ECPMF and @AGK_AJK.
