Ambasadori gjerman e akuzon Listën Serbe për standard të dyfishtë
Ambasadori i Gjermanisë në Kosovë, Jorn Rohde, ka akuzuar Listën Serbe, që nuk ka reaguar fare për ndalimin që i është bërë politikanes Rada Trajkoviq, këshilltares së ministrit për Kthim e Komunitete në Qeverinë e Kosovës, Nenad Rashiq.
Të hënën OJQ-të në kuadër të platformës Empirika kanë dënuar ashpër sjelljen e Policisë serbe gjatë ndalimit njëditor të Trajkoviqit. Trajkoviq ishte ndaluar të premten nga Policia Serbe në pikën kufitare në Merdarë për disa orë, para se të lëshohej të hynte në Kosovë. Më pas u ndal për 24 orë kur po kthehej nga Kosova. Politikanes serbe iu ishte përkeqësuar gjendja shëndetësore dhe u desh të merrte ndihmë emergjente mjekësore.
“Është e papranueshme të pengohet lëvizja e qytetarëve të Serbisë pa pasur një bazë ligjore dhe të rrezikohet shëndeti i tyre. Kjo tregon nivelin jashtëzakonisht të ulët të demokracisë dhe sundimit të ligjit në Republikën e Serbisë”, është thënë në reagimin e OJQ-ve.
Rohde ka thënë se pajtohet plotësisht me këtë qëndrim.
“Plotësisht pajtohem me organizatën e OJQ-ve. E papranueshme mënyra se si u trajtua aktivistja kosovaro-serbe Rada Trajkoviq. E vërej mungesën e ndonjë reagimi nga Lista Serbe. Standard i dyfishtë?” – ka shkruar Rohde në Twitter.
Fully agree with the NGO statement. Unacceptable treatment that Kosovo–Serb activist Rada Trajkovic was subjected to. I note the absence of any reaction of the Serbian List. Double standards? https://t.co/XlIQMTQZui
