Një ditë pas vendimit për shtyrje të zgjedhjeve në katër komunat veriore të Kosovës nga presidentja Vjosa Osmani, Komisioni Qendror i Zgjedhjeve do të mblidhet për të diskutuar hapat e mëtutjeshëm.

Zëdhënësi i KQZ-së, Valmir Elezi, ka konfirmuar  se mbledhja do të mbahet sot, e diel, duke filluar në orën 11:00.

Në rend dite do të jetë njoftimi lidhur me vendimin e presidentes Vjosa Osmani për shtyrjen dhe caktimin e datës së re për zgjedhjet e jashtëzakonshme në katër komunat veriore të Kosovës.