Maloku thotë se u sekuestruan rreth 30 vila në Brezovicë
Foto: KOHA
15:25
Maloku thotë se u sekuestruan rreth 30 vila në Brezovicë
Ka vazhduar edhe të premten sekuestrimi i objekteve të ndërtuara në Brezovicë.
Sekuestrimi është bërë në zonën e III-të të parkut “Sharri”.
Prokurori në rastin Brezovica, Rasim Maloku, ka thënë se rreth 30 vila janë sekuestruar të premten në zonën e tretë.
“Sekuestrimi i disa vilave dhe objekteve hoteliere që janë ndërtuar në zonën e tretë por që janë në kundërshtim me ligjet që ndërtojnë ndërtimin në këtë zonë, veçanërisht në planin hapësinor të parkut kombëtarë Sharri. Deri me tani janë sekuestruar rreth 30 vila, duke përfshirë edhe objektet hoteliere, tri që kanë qenë në ndërtim", ka thënë Maloku për KOHËN.
10:52
Vazhdon sekuestrimi i vilave në Brezovicë
Prokuroria Themelore në Ferizaj ka bërë të ditur të premten se është duke vazhduar aksionin për sekuestrimin e objekteve të ndërtuara në Brezovicë.
Sekuestrimi të premten po bëhet në zonën e III-të, te Parkut Kombëtar “Sharri”.
“Edhe ky aksion i sotëm i Prokurorisë Themelore në Ferizaj, është vazhdimësi i aksioneve të mëhershme në zonën e Brezovicës”, thuhet në njoftim.
