Arbëri

Tahiri: Anëtarësimi në Këshillin e Evropës të mos ndërlidhet me proceset e tjera politike

 

Shefi i Grupit Parlamentar të AAK-së, Besnik Tahiri, ka thënë se anëtarësimi në Këshillin e Evropës nuk duhet të ndërlidhet me procese të tjera politike.

Ai është takuar të martën me Ambasadorë të akredituar në Republikën e Kosovës, vendet e të cilëve janë anëtarë të Këshillit të Evropës, ku ka theksuar se Kosova, kushtetuta e saj, dhe ligjet më të rëndësishme i kanë përfillë dhe mishëruar vlerat që i përfaqëson ky institucion në legjislacionin përkatës.