Sekratari i përgjithshëm i NATO-s, Jens Stoltenberg, ka thënë se është i zhgënjyer që nuk është arritur marrëveshja për targa mes Kosovës dhe Serbisë.
Stoltenberg ka njoftuar në Twitter se ka biseduar me Përfaqësuesin e Lartë të BE-së për politikë të jashtme Josep Borrell për këtë çështje.
Ai ka bërë thirrje të evitohen përshkallëzimet.
“Fola me Josep Borrellin. Jemi të zhgënjyer që nuk ishte e mundur zgjidhja e mosmarrëveshjes për targa. Tash është koha për përgjegjësi dhe zgjidhje pragmatike. Përshkallëzimi duhet të shmanget. NATO_KFOR mbetet vigjilente”, ka shkruar Stoltenberg në Twitter.
Borrell: NATO e BE-ja mbesin të koordinuara edhe në terren
E për bisedën ka shkruar edhe Josep Borrell.
“Kam njoftuar Sekretarin e Përgjithshëm të NATO-s, Jens Stoltenberg, për zhgënjimin nga takimi i sotëm i nivelit të lartë i dialogut mes Beogradit dhe Prishtinës të lehtësuar nga BE-ja. Përshkallëzimi duhet të evitohet. BE-ja dhe NATO mbesin të koordinuara, po ashtu edhe në terren. EULEX-i po monitoron nga afër”, ka shkruar Borrell në Twitter.
Spoke to @JosepBorrellF. We are disappointed that it was not possible to solve the licence plate dispute. Now is the time for responsibility & pragmatic solutions. Escalation must be avoided. @NATO_KFOR remains vigilant.
— Jens Stoltenberg (@jensstoltenberg) November 21, 2022
Debriefed @NATO SG @jensstoltenberg about the disappointing outcome of today’s EU-facilitated high level meeting between Belgrade and Pristina.
— Josep Borrell Fontelles (@JosepBorrellF) November 21, 2022
Escalation must be avoided. The EU and NATO remain coordinated, also on the ground. @EULEXKosovo is monitoring closely.
