Miratohet Ligji për vendosjen e çmimeve tavan për produktet bazë

Kuvendi i Kosovës miratoi të martën Ligjin për masat e përkohshme të produkteve bazë, në raste të destabilizimit të tregut.

Ky ligj kaloi me 64 vota pro, asnjë kundër e asnjë asbtenim.

Tutje, Kuvendi me 65 vota pro, asnjë kundër e asnjë abstenim, e miratoi në lexim të dytë Projektligjin për mbështetjen e punëve publike.

Me 65 vota u miratua në lexim të dytë edhe Projektligji për ndryshimin dhe plotësimin e Ligjit për noterinë.

Paraprakisht, Kuvendi miratoi zgjatjen e masave emergjente në furnizimin e energjisë.

Votimi është bërë me 65 vota për.

Për këtë vendim u zhvillua seancë e jashtëzakonshme.