Parlamenti i Ukrainës njoftoi të dielën për medaljen që Kosova ua ndau grave ukrainase, thuhet në njoftimin në rrjetin social Telegram.
Presidentja e Kosovës, Vjosa Osmani, në Forumin Ndërkombëtar për Gratë, Paqen dhe Sigurinë, iu ndau ukrainaseve medalje për qëndrueshmëri dhe mbrojtje të territorit, qëkur nisi agresioni rus (24 shkurt).
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeputetja e Ukrainës, Yevgenia Kravchuk, deklaroi kjo medalje iu takon të gjitha grave ukrainase.
“Ato shërbejnë në Forcat e Armatosura, trajtojnë, japin mësim, prezantojnë Ukrainën në nivelin më të lartë. Kam mbajtur shumë fjalime pas 24 shkurtit, por kurrë në një vend ku kaq shumë njerëz e kuptojnë se çfarë do të thotë të shohësh tanke në rrugët e tyre. Kjo është ajo që po ndodh në Ukrainë. Ju bëj thirrje, partnerë të Ukrainës: ne duhet të fitojmë. Ne do te fitojmë”, deklaroi Kravchuk, derisa mori medaljen nga presidentja Osmani.
Forumi dyditor u mbyll të dielën. Në të prezantuan 400 pjesëmarrës nga 33 shtete të botës. Tema bosht e diskutimit ishte “Ndërtimi i Aleancave për Paqe të Qëndrueshme”.