Arbëri

Sveçla: Vuçiqi gënjeu sot se Policia nuk mund të shkojë në veri pa pëlqimin e KFOR-it

Xhelal Sfecla Xhelal Sfeqla

Ministri i Punëve të Brendshme, Xhelal Sveçla, ka thënë se presidenti i Serbisë, Aleksandër Vuçiq, ka gënjyer në konferencën e sotme lidhur me Policinë e Kosovës.

Ai në një postim në Twitter, ka thënë se një zotim nga e kaluara se Forca e Sigurisë së Kosovës nuk mund të shkojë në veri pa pëlqimin e komandës së KFOR-it, është shtrembëruar qëllimisht.

“Ministri propagandues i Millosheviqit, Vuçiq në konferencën e sotme ka gënjyer për Policinë e Kosovës. Një zotim nga e kaluara se Ushtria e Kosovës (FSK) nuk mund të shkojë në veri pa pëlqimin e komandës së KFOR-it, është shtrembëruar qëllimisht. Policia e Kosovës është e autorizuar të sigurojë sundimin e ligjit dhe sigurinë për të gjithë qytetarët përreth Republikës së Kosovës”, ka shkruar ai.

Në fjalimin që ishte paralajmëruar qysh pas dështimit të negociatave në Bruksel, të enjten, presidenti i Serbisë ka mbajtur një fjalim pas takimit me serbët e Kosovës. Ka thënë që gjatë këtij takimi, mori besimin nga serbët për zgjidhje kompromisi, për çështjen e targave dhe dokumenteve. Ka folur edhe për kërkesën 6 pikëshe të ekipit negociator të Kosovës, ndërsa ka thënë që ata kanë kërkuar nga BE-ja që të fillojë zbatimi i Marrëveshjes për Asociacionin.