Arbëri

Mungesa e stafit vështirëson shërbimet në disa reparte të spitaleve të Pejës dhe Gjakovës

 

Si pasojë e mungesës së stafit shëndetësor, Spitali rajonal i Pejës rrezikon që brenda pak muajsh të mos arrijë të ofrojë shërbime 24-orëshe në disa reparte, ndërsa me një problem të ngjashëm është duke u ballafaquar edhe Spitali i Gjakovës, i dyti më i madh rajonal në Kosovë

Ardhja e mërgimtarëve gjatë muajve të verës ka rritur numrin e kërkesave për trajtim mjekësor në Spitalin e Përgjithshëm në Pejë, i cili si pasojë e mungesës së stafit shëndetësor, rrezikon që të përballet me mbingarkesë.

Si pasojë e mungesës së stafit, ky spital rrezikon që brenda pak muajsh të mos arrijë që të ofrojë shërbime 24-orëshe në disa reparte, teksa problem i ngjashëm është evidentuar edhe në Spitalin e Gjakovës, i dyti më i madh rajonal në Kosovë.