Për 21 pozita si prokurorë nëpër prokuroritë themelore të Kosovës janë testuar të shtunën 330 kandidatë.
Këshilli Prokurorial ka njoftuar se pyetjet e Testit Kualifikues janë hartuar po sot, në prani të vëzhguesve dhe monitoruesve vendorë e ndërkombëtarë, me qëllim të garantimit të integritetit dhe besueshmërisë së procesit të rekrutimit.
Testi u mbajt në ambientet e Akademisë së Kosovës për Siguri Publike, në Vushtrri. Procesi është monitoruar edhe nga përfaqësues të EULEX-it e të Institutit të Kosovës për Drejtësi (IKD).
Pas këtij testimi, rekrutimi vazhdon me faza të tjera, me testin me shkrim dhe intervistim.