Agjencia për Informim dhe Privatësi ia ka ndaluar përpunimin e të dhënave personale përmes vëzhgimit me kamera Ministrisë së Shëndetësisë.
Përmes një njoftimi në Facebook të premten, AIP-ja ka konstatuar se MSH-ja, në cilësinë e kontrolluesit, ka përpunuar të dhëna personale përmes sistemit të vëzhgimit me kamerë në kundërshtim me kriteret e Ligjit për Mbrojtjen e të Dhënave Personale.
“Me këtë rast, Agjencia ka nxjerr Vendim Nr. 116/2022, më date 06/06/2022, me të cilin ka obliguar Ministrinë të ndalojë përkohësisht përpunimin e të dhënave personale përmes sistemit të vëzhgimit me kamerë, si dhe të bëjë shkatërrimin e të dhënave të grumbulluara përmes këtij sistemi deri në datën e pranimit të vendimit. Poashtu, vëzhgimi me kamerë mund të fillojë vetëm pas plotësimit të dispozitave ligjore të parapara me Ligjin për Mbrojtjen e të Dhënave Personale”, thuhet në njoftimin e AIP-it.
MSH-ja tani ka kohë tetë ditë për zbatimin e vendimit dhe ta njoftojë AIP-in.
© KOHA. Të gjitha të drejtat janë të rezervuara.
