Arbëri

Stavileci: Pushteti po synon të shkaktojë kriza të reja

Foto: PDK
 

Anëtari i Partisë Demokratike të Kosovës, Blerand Stavileci, ftoi Qeverinë që ta zbatojë vendimin e Gjykatës së Apelit, pas vërtetimit të pezullimit së vendimit të ZRRE-së për shtrenjtimin e rrymës. Stavileci deklaroi të hënën se pushteti po synon t'iu shkaktojë qytetarëve kriza të reja.

“Keqmenaxhimi i qeverisë po vazhdon. Nga dështimi në parandalimin e futjes së vendit nëpër kriza të njëpasnjëshme kjo qeveri me vetëdije të plotë dhe në mungesë të vizionit po rrëshqet në kriza të reja me fajin e vet, për shkak të të injorancës dhe arrogancës së vet, e fatkeqësisht, pandershëm, në llogari të qytetarëve të pafajshëm. Fitorja e qytetarëve të vendit tonë në realizimin e dy të drejtave elementare të tyre, atë të sigurisë së furnizimit dhe atë të përballueshmërisë së çmimeve, e cila u realizua me vendimin e gjykatave për mos-shtrenjtimin e rrymës, sot po rrezikohet pikërisht nga pushteti i cili ua shtrenjtoj rrymën në mënyrë të padrejtë, të paarsyeshme dhe të kundërligjshme.”, tha Stavileci.