Arbëri

​Kosovës i rekomandohet t’i rrisë kapacitetet e akomodimit të turistëve

 

Kosova ka mungesë të kapaciteteve për të akomoduar numër të lartë të vizitorëve nga vendet e rajonit. Përkundër që është thënë vazhdimisht nga autoritetet se Kosova ka kapacitete të mjaftueshme për akomodimin e një numri të lartë të turistëve të huaj, hotelet në pikat turistike përkatësisht në Rugovë, nuk kanë vende të lira për këtë vikend as edhe për 25 persona.

KosovaPress e ka kontaktuar një hotel në këtë zonë të njohur turistike për të vërtetuar nëse do të ishte në gjendje të akomodojë 25 persona për datat 14 dhe 15 maj, mirëpo operatorja e këtij hoteli ka thënë se nuk mund të bëjë një rezervim të tillë për shkak të mungesës së dhomave të lira.