Ish-zyrtari jep 3 versione për kontratën e 44 milionëve, s’i kujtohet nënshkrimi
Firma e ish-sekretarit të Ministrisë se Infrastrukturës, Beim Reçica, është në aneks-kontratën për ndërtimin e autostradës “Arbën Xhaferi”, cila ia mundësoi këtij konsorsiumi që t’i fitojë edhe 44 milionë euro.
Premium
Firma e ish-sekretarit të Ministrisë se Infrastrukturës, Beim Reçica, është në aneks-kontratën për ndërtimin e autostradës “Arbën Xhaferi”, cila ia mundësoi këtij konsorsiumi që t’i fitojë edhe 44 milionë euro.
Por dy vjet me vonë Reçica ka tri versione për këtë dokument, të cilin e ka publikuar KOHA.
Fillimisht e ka mohuar ekzistencën e tij.
Betim Reçica: Ku është ai aneks?
Gazetarja: Aneksin e kemi ne. Ju a keni qenë sekretar në nëntor të 2019?
Betim Reçica: Unë nuk e di aneks që na kemi nënshkru 42 milionë...unë nuk e di që ka aneks 44 milionë, që e ka nënshkru sekretari.
Më pas, KOHA ia ka dërguar pjesën e dokumentit ku është nënshkrimi i sekretarit të përgjithshëm , pozitë të cilën e kishte mbajtur atëkohë Reçica.
Betim Reçica: Pse nuk po ma dërgoni komplet dokumentin?
Gazetarja: Po, po ua dërgoj edhe komplet dokumentin, por që thash që nuk e keni nënshkru, thash a është ky nënshkrimi juaj?
Betim Reçica: Po kjo është tjetër send, ti je tu fol tjetër çka.
Ai nuk ka pranuar që të ballafaqohet me dokumentin e plotë. Por ka ngritur dyshime që dokumenti është i falsifikuar.
Betim Reçica: Unë nuk të komentoj ty asgjë.
Gazetarja: Në rregull.
Betim Reçica: Kometoj ti me të tanën, unë i grahi me timen.
Pas dyshimeve që Reçica ka ngritur se dokumenti është jo i plotë dhe i manipuluar, KOHA e ka kontaktuar Ministrinë e Infrastrukturës, të cilët kanë konfirmuar që ky aneks është i arkivuar.
Kjo shihet edhe në faqen e parë.
E, në dokument te pjesa ku është protokolluar, që dokumenti është dy faqe, aq sa edhe i është thënë Reçicës.
Ndonëse kabineti politik i Ministrisë së Infrastrukturës e kanë kuptuar nga KOHA, ekzistencën e këtij dokumenti, pagesat për “Bechtel Enkën” janë bërë deri në fund të vitit 2020.
Televizioni ka provuar të kontaktojë stafin politik që kanë shërbyer në vitin 2020 në këtë Ministri, por nuk kanë dashur të deklarohen me arsyetimin se nuk kanë qenë në dijeni dhe pagesat ishin detyrë e zyrtarëve të administratës.
Kjo aneks kontratë, përveç Reçicës, është nënshkruar nga ish-ministri Pal Lekaj e zyrtari Ramë Qupeva. Lekaj sërish nuk është përgjigjur e Qupeva është telefonuar, por ka pyetur nëse biseda po incizohej dhe kur e ka kuptuar që është telefonatë zyrtare e ka mbyllur.
Në këtë ankesë-kontratë mungon nënshkrimi i zyrtarit të prokurimit, gjë që është kusht ligjor.
KOHA e ka pyetur për këtë kontratë Komisionin Rregullativ të Prokurimit Publik. Ata kanë konfirmuar që nëse kontrata s’e ka këtë nënshkrim, është e pazbatueshme.
