Ambasadori i Shteteve të Bashkuara të Amerikës në Kosovë, Jeff Hovenier, është takuar me kryetarin e Listës Serbe, Goran Rakiq, i cili njëherësh është edhe ministër për Komunitete dhe Kthim.
Hovenier ka njoftuar se në këtë takim është rikonfirmuar përkushtimi i SHBA-së për një Kosovë multietnike, sovrane dhe të pavarur.
Nëpërmjet një postimi në Twitter, Hovenier shtoi se ka shprehur mbështetjen amerikane që të gjithë qytetarët e Kosovës të gëzojnë të drejta të barabarta në avancimin e së ardhmes evropiane të vendit.
“Me ministrin Goran Rakiq, rikonfirmova përkushtimin e SHBA-së për një Kosovë multietnike, sovrane dhe të pavarur ku të gjithë qytetarët nga çdo komunitet gëzojnë të drejta të barabarta dhe një zë të barabartë në avancimin e së ardhmes evropiane të Kosovës”, ka shkruar ai.
With Minister Goran Rakic, reaffirmed the U.S. commitment to a multi-ethnic, sovereign, and independent Kosovo where all citizens from every community enjoy equal rights and an equal voice in advancing Kosovo’s European future. pic.twitter.com/eK4DLOvfrH
— Ambassador Jeff Hovenier (@USAmbKosovo) February 14, 2022
