Arbëri

Meta: Shqipëria mbështet sovranitetin territorial të Ukrainës

 

Presidenti i Shqipërisë Ilir Meta u është bashkuar sot shqetësimeve të partnerëve të NATO-s për rritjen e paprecedentë të numrit të trupave dhe mjeteve ushtarake ruse në kufijtë me Ukrainën dhe kërcënimit për fillimin e një agresioni ushtarak ndaj një vendi sovran.

Ai ka thënë se kërcënimi dhe eventualisht agresioni ushtarak ndaj Ukrainës përbëjnë kërcënim direkt ndaj sigurisë evropiane dhe shkelje të rëndë të së drejtës ndërkombëtare.