Arbëri

Erdogani paralajmëron Shqipërinë nga “rreziku i gylenistëve” në prag të vizitës

Foto: Ilustrim
 

Mediat greke e kanë trajtuar në një mënyrë tjetër këtë vizitë të Erdoganit në Shqipëri. Sipas tyre, Turqia është një nga vendet e pakta që përdor bamirësinë për të shtrirë ndikimin e saj në vende të tjera, pavarësisht faktit se njerëzit në Turqi vuajnë nga varfëria, nga mungesa e vendeve të punës, rritja e inflacionit dhe qeverisja gjithnjë e më autoritare. Erdogani gjatë vizitës do t’i dorëzojë çelësat e banesave për qytetarë të Laçit, të financuara nga Turqia, si ndihmë për të prekurit e tërmetit të vitit 2019

Presidenti i Turqisë, Recep Tayyip Erdogan, të hënën (sot) do ta vizitojë Shqipërinë.

Kreu i shtetit turk do t’i dorëzojë çelësat e banesave për qytetarë të Laçit, të financuara nga Qeveria e Turqisë, si ndihmë për të prekurit e tërmetit të vitit 2019.