Sot në orën 14:00 do të bëhet varrimi i vajzës dhe djalit 17-vjeç që u vranë me kallashnikov në autobus teksa po ktheheshin nga shkolla në fshatin Gllogjan të Deçanit.
Viktimat do të varrosen në varrezat e fshatit.
“Varrimi i dy viktimave të sulmit makabër, që ndodhi në Gllogjan, bëhet ditën e diel, datë 28.11.2021, në ora 14:00, në varrezat e fshatit Gllogjan. Ngushëllime për familjarët. Ndajmë dhimbjen së bashku”, thuhet në njoftim.
Të premten, rreth orës 19:00, një person sulmoi autobusin e linjës Deçan-Gjakovë, ku si pasojë mbetën të vdekur tre persona, mes tyre edhe shoferi. Një person është plagosur dhe është jashtë rrezikut për jetë. Deri tani, pavarësisht kërkimeve të shumta, ende nuk ka asnjë të arrestuar dhe motivet mbeten ende të panjohura.
© KOHA. Të gjitha të drejtat janë të rezervuara.
