Arbëri

Nëntë të vdekur në Shqipëri si pasojë e COVID-19

Ministria e Shëndetësisë e Shqipërisë ka bërë të ditur se në 24 orët e fundit kanë vdekur 9 qytetarë si pasojë e COVID-19, ndërkohë janë shënuar edhe 218 raste pozitive nga kryerja e 2008 mostrave të dyshimta për Sars CoV-2.

Sipas njoftimit, në 24-orëshin e fundit janë shëruar 252 qytetarë.

Në spitalet COVID po marrin trajtim 155 pacientë, nga të cilët 17 janë në gjendje më të rënduar.

Që nga shpërthimi i pandemisë në Shqipëri janë regjistruar 196.611 raste pozitive, prej tyre 185.569 janë shëruar, 7.993 janë raste aktive, ndërsa kanë vdekur 3.049 pacientë.