Janë numëruar 100 për qind e votave në komunën e Gjakovës.
Kandidatja për kryetare të Gjakovës, Mimoza Kusari-Lila ka uruar kundërkandidatin e saj Ardian Gjini për fitoren në këtë komunë.
Ajo ka thënë se ka qenë proces i rregullt zgjedhor me disa incidente të vogla.
“Ne kemi garuar të vetëm, tabori tjetër ka qenë me të gjitha partitë. Kemi pasur bindjen që qytetarët do ta vlerësojnë programin”, ka thënë ajo.
Ardian Gjini i AAK-së ka marrë 20.254 vota ndërkaq Kusari-Lila ka marrë 15.873 vota.
