Arbëri

Mustafa ironizon me kërcënimin ndaj kryeministrit, kujton sulmin “nga njerëzit e Kurtit më 2016”

Foto: Koha / ilustrim
 

Ish-kryeministri i Kosovës, Isa Mustafa, ka ironizuar me kërcënimin që ka marrë kryeministri aktual, Albin Kurti teksa ka kujtuar një sulm që thotë se ia kanë bërë “njerëzit e Kurtit” më 2016 sa Mustafa ishte kryeministër.

Të mërkurën, Qeveria konfirmoi se për shkak të një kërcënimi është rritur niveli i sigurisë i Kurtit. U mësua se kërcënimi qe bërë nga një llogari në Facebook që “ka premtuar 35 mijë euro për vrasjen e Kurtit”.