Arbëri

Pupovci: Kemi shpërndarë libra aq sa kanë kërkuar komunat

Foto: Koha
 

Zëvendësministri i Arsimit, Dukagjin Pupovci, ka thënë, se MASHTI u ka dërguar qarkore të gjitha komunave në Kosovë më 15 qershor të këtij viti përmes së cilave u është sqaruar se këtë vit librat për klasat 6,7 dhe 9, duhet të shfrytëzohen nga kontingjenti i vitit të kaluar.

Pupovci ka thënë në “60 Minuta” të KTV-së se deri më 15 korrik, komunat është dashur të raportojnë nevojat për tekste, duke përfshirë edhe ato për klasat 6,7 dhe 9, dhe se dorëzimi i teksteve nga ana e ministrisë është bërë konform kërkesave të komunave.