Numërohen mbi 90 për qind të votave në Prishtinë

Janë numëruar 93.76 për qind të votave në Prishtinës. Nga to Arben Vitia i Lëvizjes Vetëvendosje ka marrë 42.36 për qind të votave. Në balotazh ai do të përballet me Përparim Ramën e Lidhjes Demokratike të Kosovës që ka marrë 29.31 për qind të votave.

Në vend të tretë ka dalë Uran Ismaili me 21.68 për qind të votave.

Lidhja Demokratike e Kosovës ka kaluar Vetëvendosjen në zgjedhjet lokale për kryetar në Gjilan dhe Podujevë.

Teksa kanë mbetur më pak se 12 për qind të votave pa u numëruar, në Gjilan Lutfi Haziri ka dalë para Alban Hysenit të Vetëvendosjes me rreth 40 vota më shumë.

Teksa Haziri tash ka 16 mijë e 177 vota apo 44.22 për qind, Hyseni i VV-së ka 16 mijë e 134 vota apo 44.1 për qind.

Balotazhi do të përcaktojë fituesin e zgjedhjeve në Gjilan.

Ndërkaq në Podujevë kanë mbetur më pak se katër për qind të votave për t’u numëruar.

Aty Ekrem Hyseni i LDK-së ka marrë 44.29 për qind të votave apo 16 mijë e 29 sosh. Shpejtim Bulliqi i VV-së është i dyti me 15 mijë e 915 vota apo 43.98 për qind.

Pas numërimit të 83 për qind të votave në Prishtinë, Arben Vitia i Vetëvendosjes vazhdon të jetë i pari me 42.44 për qind, rreth 13 më shumë se Përparim Rama i LDK-së me të cilin do të garojë në balotazh.

Uran Ismaili është i treti me 21.67 për qind të votave.

Bashkim Ramosaj do të mbajë postin e kryetarit të Deçanit edhe për një mandat, pasi ai ka marrë 65.17 për qind të votave në këtë komunë në raundin e parë të zgjedhjeve.

Tashmë në uebfaqen e KQZ-së është bërë e ditur se ka përfunduar numërimi i të gjitha votave në këtë komunë.

Po ashtu ka përfunduar numërimi edhe në Novobërdë. Sasha Milosheviq i Listës Serbe ka fituar 64.09 për qind të votave.

Në Shtime do të ketë balotazh. Qemajl Aliu i VV-së do të garojë me Naim Ismajlin e PDK-së.

Dalibor Jevtiq është kryetar i Shtërpcës pas numërimit të 100 për qind të votave.

Në Suharekë Bali Muharremaj ka marrë edhe një mandat të ri. Ai ka fituar në raundin e parë me 52.28 për qind të votave.

Me këto pesë komuna në të cilat ka përfunduar numërimi, numri i komunave ku ka përfunduar ky proces ka shkuar në 10. Më herët numërimi përfundoi në Junik, Mamushë, Partesh, Ranillug e Han të Elezit.

Saktësisht 134 mijë e 727 vota janë numëruar deri tash në Komunën e Prishtinës në zgjedhjet për kryetar. Nga to, 42.71 për qind kanë qenë për Arben Vitinë e Lëvizjes Vetëvendosje.

I dyti mbetet Përparim Rama me 29.09 për qind të votave, ndërsa i treti Uran Ismaili me 21.55 për qind të votave.

Ka përfunduar numërimi në pesë komuna të Kosovës. Dy prej tyre do të shkojnë në balotazh pas numërimit të 100 për qind të votave, ndërsa në tri ka fitues pa balotazh.

Juniku do të shkojnë balotazh mes AAK-së dhe LDK-së, ndërsa Mamusha në mes të KDTP-së dhe KATP-së.

Parteshi dhe Ranillugu janë fituar nga Lista Serbe, ndërsa Hani i Elezit nga PDK-ja.

19 komuna të Kosovës nga 38 do të hyjnë në raundin e dytë të zgjedhjeve për kryetar të komunave, sipas rezultateve aktuale.

Balotazh do të ketë në kryeqytet, në Prishtinë, mes Vetëvendosjes dhe Lidhjes Demokratike të Kosovës.

Vetëvendosja është partia me më së shumti pjesëmarrje në balotazh, gjithsej dhjetë, përfshirë edhe Gjakovën, Gjilanin e Prizrenin si komuna të mëdha.

LDK-ja është në nëntë komuna në balotazh e PDK-ja në tetë.

Sipas rezultateve aktuale këto janë komunat ku do të ketë balotazh.

1. Prishtinë, VV – LDK
2. Gjakova, AAK – VV
3. Drenas, PDK – Driton Ajazi
4. Gjilan, VV – LDK
5. Dragash, PDK – LDK
6. Istog, LDK - AAK
7. Kaçanik, PDK – VV
8. Klinë, AAK – PDK
9. Fushë-Kosovë, LDK – VV
10. Kamenicë, PSD – VV
11. Podujevë, VV – LDK
12. Prizren, VV – PDK
13. Shtime, PDK – VV
14. Viti, LDK – VV
15. Vushtrri, PDK – LDK
16. Malishevë, Nisma – PDK
17. Junik, AAK – LDK
18. Mamushë, Nisma – PDK
19. Kllokot, Lista Serbe - SNS

Rufi Suma s’do të jetë më kryetar i Komunës së Hanit të Elezit. Ai ka humbur në zgjedhjet për kryetar në të cilat tentoi mandatin e katërt.

Në vend të Sumës, në karrigen e të parit të Hanit të Elezit do të ulet Mehmet Ballazhi i PDK-së, në bazë të të dhënave të KQZ-së.

Pas numërimit të të gjitha votave, Ballazhi ka 50.98 për qind të votave e Suma 42.47.

Në Prishtinë janë numëruar gati gjysma e votave të zgjedhjeve për kryetar të Komunës.

Nga 47.54 për qind e 195 mijë votave të numëruara, Arben Vitia i VV-së ka marrë 42.93 për qind të votave. Përparim Rama i LDK-së ka rënë në 28.97 për qind të votave, ndërsa Uran Ismaili ka shkuar në 21.19 për qind.

42.66 për qind të mbi 37 për qind të votave të numëruara në Prishtinë kanë shkuar për Arben Vitinë e Lëvizjes Vetëvendosje në garën për kryetar komune.

Përparim Rama i LDK-së është i dyti me 29.46 për qind të votave.

Uran Ismaili i PDK-së mbetet i treti me 20.75 për qind të votave.

Fushë-Kosova, komunë që konsiderohej bastion i LDK-së, pasi kjo parti ka udhëhequr historikisht, është duke shkuar drejt balotazhit në zgjedhjet e sivjetme lokale.

Kryetari aktual i kësaj komune, Burim Berisha, nga LDK-ja është duke prirë me 48.58 për qind të votave pas numërimit të 62.9 për qind të votave.

Në vend të dytë është Enver Bajçinca i VV-së me 25.98 për qind të votave.

Rrahim Tërnava i PDK-së ka 23.09 për qind të votave.

Së paku dhjetë komuna do të përfundojnë çështjen e kryetarit të ri qysh në raundin e parë të zgjedhjeve, në bazë të rezultateve aktuale nga numërimi i shumicës së votave në vend.

Peja, Mitrovica e Ferizaj janë tri komunat më të mëdha që do të përfundojnë pa balotazh. Bedri Hamza dhe Agim Aliu të PDK-së po fitojnë me mbi 50 për qind të votave në Mitrovicë e Ferizaj, ndërsa Gazmend Muhaxheri i LDK-së në Pejë.

Komunat tjera ku po përmbyllet gjithçka në raundin e parë janë Deçani ku po fiton AAK-ja, Kaçaniku me PDK-në, Lipjani me LDK-në, Skenderaj me PDK-në, Suhareka me AAK-në, Hani i Elezit me PDK-në dhe Obiliqi me Xhafer Gashin.

Në listë s’janë përmendur komunat ku Lista Serbe tashmë ka shpallur fitoren.

Kryetari i Hanit të Elezit, Rufki Suma, është shumë afër humbjes për herë të parë në zgjedhjet lokale pas tri mandateve si kryetar i kësaj komune.

Suma, që është kryetar që nga viti 2009, pas numërimit të rreth 84 për qind të votave është i dyti me 42.42 për qind të votave.

I pari është Mehmet Ballazhi i PDK-së me 50.41 për qind të votave.

Mitrovica e Jugut është afër fundit të numërimit të votave të zgjedhjeve për kryetar. Pas 89 për qind të votave të numëruara, Bedri Hamza i PDK-së po fiton dhe është afër që të arrijë fitoren pa balotazh. Ai ka marrë deri tash 54.77 për qind të votave.

Agim Bahtiri i Vetëvendosjes ka marrë 33.65 për qind të votave.

Komuna e Junikut ka përfunduar numërimin e zgjedhjeve për kryetar. Komuna do të ketë balotazh. Në balotazh kanë shkuar Agron Kuçi i AAK-së që ka marrë 47.26 për qind të votave me Ruzhdi Shehun e LDK-së që ka marrë 37.87 për qind të votave.

Në këtë komunë kanë votuar 4527 qytetarë.

Lëvizja Vetëvendosje dhe Lidhja Demokratike e Kosovës janë duke shkuar drejt balotazhit në Komunën e Gjilanit. Pas numërimit të 61.36 për qind të votave, VV-ja po prin me Alban Hysenin që ka marrë 45.44 për qind të votave.

Lutfi Haziri, kryetar aktual, nga LDK-ja ka 42.95 për qind të votave.

Fadil Nura i PDK-së është duke vazhduar me përqindje të lartë në zgjedhjet lokale në Skenderaj duke iu afruar triumfit pa balotazh. Kandidati i PDK-së ka marrë 61.24 për qind të votave nga numërimi i 21.65 për qind të votave deri tash, duke lënë prapa Bekim Jasharin, kryetarin, që aktualisht po garon me listë të pavarur. Jashari ka 37.71 për qind të votave.

Qëndron Kastrati ka rikthyer rezultatin në Kamenicë, pas numërimit të mbi 51 për qind të votave. Nga numërimi i 18 mijë e 619 votave, Kastrati ka marrë 30.58 për qind të votave. Kadri Rahimaj i VV-së tani ka 30 për qind të votave.

Më herët Rahimaj kishte larg më shumë përqindje se Kastrati.

Nga 22.64 për qind të votave të numëruara në Prishtinë, Arben Vitia nga Lëvizja Vetëvendosje ka marrë 42.52 për qind të votave.

Përparim Rama i LDK-së është i dyti me 30.77 për qind të votave, ndërsa Uran Ismaili i PDK-së ka 20.02 në vend të tretë.

Në nga gjashtë komuna janë duke prirë të katër partitë e mëdha kosovare, në bazë të rezultateve aktuale të publikuara në uebfaqen e KQZ-së.

AAK-ja po prin në Deçan, Gjakovë, Klinë, Rahovec, Suharekë e Junik.

PDK-ja në Drenas, Kaçanik, Mitrovicë të Jugut, Skenderaj, Ferizaj e Vushtrri.

VV-ja në Gjilan, Kamenicë, Podujevë, Prishtinë, Prizren e Shtime.

LDK-ja në Dragash, Istog, Fushë-Kosovë, Lipjan, Pejë e Viti.

Ndërkaq, më së shumti komuna të fituara aktualisht ka Lista Serbe që ka fituar në komunat me shumicë serbe.

Shpejtim Bulliqi i Lëvizjes Vetëvendosje ka marrë 44.67 për qind të votave nga numërimi i 25 për qind të votave në Komunën e Podujevës, duke lënë mbrapa Ekrem Hysenin e Lidhjes Demokratike të Kosovës me vetëm një për qind dallim. Hyseni ka marrë 43.66 për qind, duke bërë një garë dramatike.

Janë numëruar 10.84 për qind e votave në Prishtinë, apo 21 mijë e 248 sosh.

Nga kjo shifër e numëruar, Arben Vitia i Vetëvendosjes ka marrë 41.12 për qind të votave dhe prin para Përparim Ramës së LDK-së që ka 31.98 për qind të votave.

Uran Ismaili është i treti me më pak se 20 për qind të votave.

Bedri Hamza i PDK-së është pranë fitores së madhe në Mitrovicë të Jugut, bazuar në gati gjysmën e votave të numëruara. Nga 44.09 për qind të votave të numëruara, Hamza është i pari me mbi 52 për qind të votave duke lënë prapa kryetarin aktual Agim Bahtirin e VV-së që ka 35.77 për qind të votave.

Vetëvendosje ka përmbysur rezultatin në Gjilan pas numërimit të rreth 10 për qind të votave. Alban Hyseni nga kjo parti ka dalë në vend të parë me 44.88 për qind të votave vetëm 0.8 për qind më shumë e Lutfi Haziri i LDK-së.

Në Prishtinë, Arben Vitia i VV-së po prin me 44.86 për qind të votave nga numërimi i 2.23 për qind të votave deri tash. Përparim Rama është i dyti me 29.52 për qind. Uran Ismaili i PDK-së ka 18.01 për qind.

Në Gjilan Lutfi Haziri i LDK-së ka 51.76 për qind nga numërimi i më pak se 5 për qind të votave totale. Alban Hyseni i VV-së ka 37.41 për qind.

Në Mitrovicë të Jugut janë numëruar 22.22 për qind të votave. Nga to Bedri Hamza i PDK-së ka 53.07 për qind, ndërsa Agim Bahtiri i VV-së 36.02.

Peja ia ka dhënë 57.66 për qind të votave Gazmend Muhaxherit të LDK-së, pas numërimit të 16 për qind të votave. Rrustem Berisha i AAK-së ka marrë 21.25 për qind, ndërsa Gazmend Agusholli i VV-së 19.63.

Në Prizren, Mytaher Haskuka i Vetëvendosjes ka 33.9 për qind, ndërsa Shaqir Totaj i PDK-së 30.46. LDK-ja me Anton Qunin ka marrë 16.31 për qind nga numërimi i 15 për qind të votave.

Ferizaj duket se do të përfundojë pa balotazh pasi kryetari aktual Agim Aliu i PDK-së ka marrë 64 për qind të votave nga numërimi i 30 për qind të votave.

Në Gjakovë, Ardian Gjini i AAK-së nga numërimi i 16 për qind të votave ka marrë 55.56 për qind. Mimoza Kusari-Lila e VV-së ka marrë 26.77 për qind.

Qëndron Kastrati i Partisë Socialdemokrate ka ngelur prapa në pesë për qind të votave të numëruara në këtë komunë deri tash. Sipas të dhënave publike të KQZ-së, kryetari aktual është prapa Vetëvendosjes që prin me 44.84 për qind të votave me kandidatin Kadri Rahimaj.

Kastrati ka rreth 18 për qind të votave.

Bedri Hamza i Partisë Demokratike të Kosovës po prin me mbi 52 për qind të votave nga më shumë se 10 për qind të atyre që janë numëruar.

Pas tij vjen Agim Bahtiri nga Lëvizja Vetëvendosje me 36.6 për qind.

Armend Agolli ka 10.55 për qind të votave.

Ka nisur numërimi i votave të zgjedhjeve lokale. Në kryeqytet janë përpunuar vetëm një mijë vota. Nga to Arben Vitia i Vetëvendosjes prin me 36 për qind, i ndjekur nga Përparim Rama me 32 për qind e Daut Haradinaj dhe Uran Ismaili me nga rreth 15 për qind.

© KOHA. Të gjitha të drejtat janë të rezervuara.