Gjykata Themelore në Prishtinë e ka anuluar si të kundërligjshëm vendimin e Zyrës së Rregullatorit për Energji që t’i paguhet rryma katër komunave veriore në periudhën 2012-2017, pas ankesës së Avokatit të Popullit.
Madje, Gjykata e ka detyruar KEDS-in të bëjë kthimin e mbi 40 milionë eurove për t’i kompensuar dëmin konsumatorëve të cilët janë faturuar për shpenzimin e energjisë elektrike në katër komunat veriore të Kosovës.
“Anulohet si i kundërligjshëm vendimi i ZRRE-së dhe detyrohet që të ndërmarr veprime që e obligojnë Shërbimin e Shpërndarjes së Energjisë Elektrike në Kosovë (KEDS) që të bëjë kthimin e shumës së faturuar, respektivisht kompensimin e dëmit konsumatorëve të cilët janë faturuar për shpenzimin e energjisë elektrike në katër komunat veriore të Kosovës dhe atë për periudhën kohore nga 06.02.2012 e deri më 20.10.2017, në vlerën prej 40.855.480 milionë euro. Të gjitha këto në afat prej 15 ditësh nga dita e pranimit të këtij aktgjykimi”, thuhet në njoftimin e Gjykatës.
-
KEDS-i obligohet t’ua kthejë 40 milionë euro konsumatorëve
-
ZRRE obligon shërbimet e shpërndarjes t’i kompensojnë qytetarët që paguan për rrymën në veri
-
KMDLNJ kërkon hetim urgjent ndaj ZRRE-së e disa ministrave për çështjen e rrymës në veri
-
Kushtetuesja vërteton vendimet që e obligojnë ZRRE-në t’i kompensojë qytetarët për rrymën në veri
-
Edhe Supremja vërteton që qytetarëve iu faturua jashtëligjshëm rryma e shpenzuar në veri