Arbëri

Shtyhet dënimi me burg i Todosijeviqit

 

Gjykata Themelore në Prishtinë ka konfirmuar për Radion Evropa e Lirë se është pranuar kërkesa e avokatit Nebojsha Vllajiq për të zgjatur afatin për mbajtjen e dënimit me burg për Ivan Todosijeviqin, deputet i Kuvendit të Kosovës nga Lista Serbe, me arsyetimin se “gjendet jashtë vendit”.

Lista serbe është parti udhëheqëse e serbëve të Kosovës, e cila është formuar në vitin 2013 me mbështetjen e Beogradit zyrtar, ndërsa Todosijeviq, përveçse është deputet në Kuvendin e Kosovës, kryen edhe funksionin e kryetarit të organit të përkohshëm komunal të Zveçanit, në veri të Kosovës.