Arbëri

Policia thotë se gjithçka i është kthyer normalitetit në veri

 

Policia e Kosovës, nëpërmjet një komunikate për media për aksionin e zhbllokimit në veri të vendit, ka thënë se tash kjo zonë i është kthyer normalitetit.

Të shtunën, në ditën e 13-të u larguan bllokadat nga rrugët që çojnë në pikat kufitare me Serbinë, në Bërnjak e Jarinjë. Pas protestuesve serbë që kundërshtonin reciprocitetin për targat, u larguan edhe Njësitë Speciale të Policisë së Kosovës. Në këto hapësira, sipas marrëveshjes së arritur të enjten në Bruksel, për dy javë do të qëndrojnë pjesëtarët e KFOR-it.