Edhe një grua shtatzënë ka humbur jetën si pasojë e koronavirusit. Të enjten, në Mjekimin Intensiv në Qendrën Klinike Universitare të Kosovës ka vdekur një 35-vjeçare nga Suhareka, ka mësuar KOHA.
Nuk ka arritur të mbijetojë as foshnja e saj.
Në ditët e fundit, disa gra shtatzëna kanë humbur betejën me virusin. Janë edhe 16 paciente që po trajtohen për COVID-19 në Klinikën Gjinekologjike, sipas raportit ditor të SHSKUK-së të publikuar të enjten.
