Refugjatët nga Afganistani nuk pritet të strehohen në Qendrën e Studentëve në Prishtinë ka paralajmëruar ministri i Punëve të Brendshme, Xhelal Sveçla.
Duke përsëritur se “Kosova është në koordinim të vazhdueshëm me Shtetet e Bashkuara të Amerikës dhe me NATO-n për strehimin e tyre”, por duke mos dhënë detaje, Sveçla ka thënë se “konviktet kanë qenë një prej alternativave e gjasat për të ndodhur janë minimale”.
Ai s’ka treguar as numrin e refugjatëve që pritet të strehohen në Kosovë.
Propozimin për strehimin e tyre në konvikte e patën kundërshtuar studentët.
