1 perditesime
Arbëri

Zyrtarizohet, Mini-Schengeni bëhet Open Balkan

Zyrtarizohet, Mini-Schengeni bëhet Open Balkan
Foto: Alsat-M
12:52

Zyrtarizohet, Mini-Schengeni bëhet Open Balkan

Krerët e Shqipërisë, Maqedonisë së Veriut dhe Serbisë, janë pajtuar që nisma e njohur deri më tash si Mini-Schengen, të emërtohet “Open Balkan” (Ballkani i Hapur).

Kjo është zyrtarizuar sot në Forumin Ekonomik për Bashkëpunim Rajonal në Shkup.

Kosova ka refuzuar në vazhdimësi këtë nismë.

11:17

Mini-Schengeni pritet të kthehet në Open Balkan

Në Forumin ekonomik që po mbahet në Shkup, një prej çështjeve që do të vendoset është edhe emërtimi i ri i nismës së njohur si “Mini-Schengen”.

TopChanel shkruan se emërtimi i ri do të jetë “Open Balkan” (Ballkani i hapur”.

Për këtë janë pajtuar ideatorët e kësaj nisme, kryetari i Serbisë, Aleksandar Vuçiq, kryeministri i Shqipërisë, Edi Rama dhe kryeministri i Maqedonisë së Veriut, Zoran Zaev.

Sipas Tch, ky emër është vendosur “për t’i dhënë mundësi edhe vendeve te tjera në rajon për t’u bërë pjesë”.

Në fakt, këtë iniciativë Kosova e ka refuzuar kategorikisht, sikurse edhe Mali i Zi e Bosnjë-Hercegovina.