Arbëri

Rikthim te dialogu teknik - BE-ja pret nga Kosova propozime për Asociacionin

Diskutimi për marrëveshjet e arritura më herët në kuadër të dialogut dhe shkalla e zbatimit të tyre do t’i paraprijë takimit të korrikut mes kryeministrit Kurti dhe presidentit Vuçiq. Në një takim mes zëvendëskryeministrit për dialog, Besnik Bislimi dhe palës serbe, të paralajmëruar për të martën dhe mërkurën, do të diskutohet për shkallën e zbatimit të marrëveshjeve të deritashme. Në kabinetin e Bislimit nuk kanë treguar për marrëveshjet që planifikojnë t’i diskutojnë, duke thënë se ende janë në përgatitje të tyre.

 

Kosova dhe Serbia do t’u rikthehen diskutimeve në kuadër të dialogut teknike, ku shumë prej marrëveshjeve të arritura ende nuk kanë gjetur zbatim. Derisa në Qeverinë e Kosovës thonë se janë në përgatitje të temave, Bashkimi Evropian ka përkujtuar detyrimin që të përmbushen obligimet e marra më herët, përfshirë marrëveshjen për themelimin e Asociacionit të komunave me shumicë serbe

Diskutimi për marrëveshjet e arritura më herët në kuadër të dialogut dhe shkalla e zbatimit të tyre do t’i paraprijë takimit të korrikut mes kryeministrit Kurti dhe presidentit Vuçiq. Në një takim mes zëvendëskryeministrit për dialog, Besnik Bislimi dhe palës serbe, të paralajmëruar për të martën dhe mërkurën, do të diskutohet për shkallën e zbatimit të marrëveshjeve të deritashme. Në kabinetin e Bislimit nuk kanë treguar për marrëveshjet që planifikojnë t’i diskutojnë, duke thënë se ende janë në përgatitje të tyre.

Insistimi i palës serbe që të diskutohet për Asociacionin, i kishte dështuar disa herë takimet e këtij niveli në qeveritë paraprake. Nuk është zbatuar as marrëveshja për hapjen e Urës mbi Ibër, ajo për energjinë dhe për diplomat.