1 perditesime
15:23

Tahiri: Nga Kurti po shohim papërgatitje për dialogun

Shefi i Grupit Parlamentar të PDK-së, Abelard Tahiri ka thënë se pas kërkesave të shumta të partive opozitare kryeministri ka pranuar të raportojë në Kuvend.

“Kemi parë një lëvizje jashtëzakonisht të madhe të qëndrimeve të kryeministrit Albin Kurti”, ka thënë ai.

Ai ka thënë se çështja e asociacionit nuk duhet të trajtohet fare, pasi sipas tij, atë e ka trajtuar Gjykata Kushtetuese.

Sipas tij, vendimi i GJK-së i obligon të gjithë ta respektojnë.

“Kryeministri në rrethana normale nuk duhet të pranojë të vendoset në tavolinë si pikë e diskutimeve”, ka thënë ai.

“Kurti ka thënë që nuk merr pjesë pa kërkuar falje Serbia për gjenocidin, pa u gjete të zhdukurit, asnjë nuk ka ndodhur dhe dialogu po fillon dhe duke e parë rrëshqitjen e tij të madhe në një rrafsh tjetër prej qëndrimeve të mëparshme po shohim një pa përgatitje të tij. Po thekson se është fillimi i dialogut por janë të pagjetur. Kryeministri duhet të ketë qëndrim të qartë dhe platformë të qartë”, ka thënë ai.

15:09

Të premten Kurti raporton në Kuvend për dialogun

Ushtruesja e detyrës së shefes së Grupit Parlamentar të Lëvizjes Vetëvendosje, Mimoza Kusari-Lila, ka thënë se më 11 qershor do të mbahet seanca e radhës në të cilën do të raportojë kryeministri Albin Kurti për dialogun Kosovë-Serbi.

Ajo ka thënë se në mbledhje u diskutua kërkesa për raportim para raportime para deputetëve në raport me zhvillimet që lidhen me dialogun.

“Sot në emër të Grupit Parlamentar të LVV-së kërkuam që në kuadër të zgjedhjeve të bordeve që i raportojnë Kuvendit të kemi rritje të transparencës. E para është e pashmangshme që do të diskutohet për marrëveshjet e arritura për suksesin apo mossuksesin e tyre. Ekziston një mendim i GJK-së i cili nuk mundet me u ndryshu me rezolutë në raport me kompetencat e Qeverisë. Rezolutën  në këtë temë e shohim të panevojshme në raport ne kompetencat”, ka thënë ajo.